大得咁快~

1月18日, 雖然我身在廈門, 但係太太都有去睇醫生, 仲見到baby!
10星期4日大, 3.88cm身長; 只係2個星期零1日, 已經由1.82cm->3.88cm! 成長速度係以"倍數"黎計! 勁啊~
真係不可思議!
醫生話bb郁下郁下中途, o係2隻腳中間見到少少野, 會唔會係子孫根呢???
bb好似好活躍咁, 雙手雙腳係咁郁, 唔怪之後佢媽咪成日唔舒服...等佢出黎之後要教訓下佢至得!
下一次去拜訪江醫生預定係3月, 唔知到時bb幾大呢?

夜晚將呢d相, 同埋消息同媽咪講左, 睇得出佢好開心同感動...
唉, 老人家冇咩望, 望係望子女生生性性, 同埋能夠傳宗接代, 俾孫佢地抱就ok.
黎緊呢幾廿年, 我要以身作則, 孝順自己父母, 外父外母, 希望可以成為bb既榜樣!