第三個十年

雖然呢三十年總會有d唔如意, 唔開心既時候, 但係都過去了. 剩低既都係快樂既回億. 之前我為自己訂下目標, 三十歲前成家立室做埋老豆, 我成功了! 黎緊既擔子越黎越重, 但係亦都代表左我既責任同能力越黎越大, 要繼續加油~~~ 生日快樂!

命名

上星期終於決定左BB既名, 叫"林卓言".
一來我鍾意2個字都夠簡單, 而且基本上都係打橫打直既筆劃, 分外有型~
呢個名, 寄予左我對佢既一點期望....
1) 卓: 卓越, 超卓既意思; 要嬴人先要嬴自己, 一定要經常挑戰自己, 成就卓越
2) 言: 固名思義係指說話, 希望佢快d學識同人溝通既技巧, 將來口才了得可令佢人生順利
3) 卓言: 爸爸了解到語言既重要性, 希望佢能夠精通多d語言, 努力o係呢方面發展!

卓言, 你既人生剛開始冇耐, 仲係好嘆, 希望你日後面對呢個世界既人同事既時候, 依然可以嘆住去面對!

爸爸Adrian 字

Welcome to our family!

太太於8月1日進行剖腹產子, 過程既快且順利!
BB係男仔, 重3.025kgs, 算大size~
未命名.
而家開始要好好諗下佢叫咩名好喇!
阿仔你要乖喇~唔好食日蝦媽咪, 如果唔係爸爸唔放過你o架~~~
U have my words!
I love my family!

BB唔好玩野喎!

太太懷孕第30週左右去醫院檢查o個陣, 護士明明話bb掉轉左頭,
點知15/7 o個日去江醫生度照超聲波o個陣, 竟然發現bb仲未掉頭!
當時已經係第36週1日喇!
再唔掉頭, 就要幫太太開刀拎bb出黎, 需知道bb頭唔向下係唔可以順產...

江醫生話"可能"bb係一時間倒返轉黎, 有可能再轉返落去, 所以安排我地23/7再照~
如果真係唔郁的話, 就要有心理準備開刀生bb喇!

我唔想太太為左生bb受咁大創傷...希望bb生生性性, 聽聽話話啦!
最多爸爸唔迫你用我部iphone4喇!
=3=

無需擔心

星期一太太去醫院檢查, 護士話佢個肚俾正常細左1.xcm, 如果超過2cm就要安排照超聲波,
因為bb可能有問題 or 太瘦...
星期五剛好去江醫生度檢查, 到時就可以知道bb最新情況喇.

去到呢個階段, 好多野都經歷過, 面對起上黎都已經輕鬆左, 所以我都係o個句: 無需擔心!

加油啊老婆, 加油啊bb!

叫咩名好?

BB叫咩名, 真係諗到頭都大埋
但係我自己幾鐘意既字有:
樂, 天, 凱, 靖, 森, 燊...
不過點都湊唔到一個名~但係又想自己改名...

bb而家34週喇, 一切順利的話8月初就可以同佢見面, 睇住太太個肚越黎越大, 真係辛苦晒佢.
好彩BB乖, 得閒就郁下氹媽咪開心, 如果唔係出到黎一定要強攻佢!

^3^

乖仔~

上星期同詩詩去照bb既4D, 初步見到佢個型仔樣~仲好"mong"添!

bb係男仔, 已經confirm左, 睇黎佢可以繼承我一身武功了!
一定要佢好好學做人.

老婆生日快樂!

太太今日生日, 又大一歲喇~不過都係未夠30!
頭先問佢生日願望係乜, 答案係:[希望bb健健康康出世, 聰明伶俐!]
不愧係準媽媽~

我都祝佢開開心心, 身體健康, 做個靚靚媽咪!

baby真活躍

最近聽到老婆成日提起bb成日郁!
尋晚"哄"埋去聽老婆個肚o個陣仲俾bb頂左下~嗚啊!好得意啊!!!!!!

照結構

4月4日早上, 詩詩一個人去左照結構, 可惜我未能陪伴.
11點幾收到msg, 太致上都係話bb係normal size, 身體健康正常~
咁已經夠晒喇.

BB有60-70%係男仔...唔...我諗醫生都係唔想太肯定先咁講o者!
哈哈

同日下晝, 家姐打黎問我諗好要咩禮物未, 結果我都係同佢講想要BB床,
佢就好慷慨話買完俾返錢我, yeah! 家姐自從我地結婚後送左紅酒俾我, 而家又送bb床俾我, 真係唔話得! salute!

太太好心急想買衫仔, 床上用品俾bb;
我都好心急想買車載佢地四圍去!

走過了一半

太太既懷孕之旅已經踏入左第20週, 即係已經過一半喇, 真係感激上蒼, 一切安好.
仲冇一半旅途就可以見到baby喇, 尋晚第一用右手無名指第一節感受到baby郁動, 真係好曳!!!
不過實在太神奇喇~嗚啊!!!!!!

加油!!!

心魔

今日, 我戰勝左心魔...!

第二次見baby

3月14日, 射左波陪詩詩檢查.
朝早去威記見助產士, 透過佢部機, 第一次聽到bb心跳...好快!! 14x~151/min左右, 即係我地既2倍! 好快~
助產士小姐話bb會o係肚入面陏黎陏去~同太太講有時feel到痕痕o地可能就係bb郁喇!

下晝去江醫生度照超聲波, bb真係好得意, 即使我唔知佢咩樣...
手郁郁, 踎o係度, 玩手指, 擘下口咁...
真係好神奇!

BB體重 0.254kgs
BB身長 13.41cm
BB年紀 18週1日
預產期 8月12日

以上

2週年

時間過得好快, 咁就結左婚2年了.
生活得好開心.
今晚又收到老婆送俾我既驚喜禮物...嗚...

3週年既時候將會有baby同我地過!
yeah~

Baby為爸爸媽媽帶來好運!

太太終於都升職, 大加人工同有bonus!

我就早前被提及會status up...人工同b仔就唔知住...

希望baby繼續旺我地~~

(聽講旺父母既多數係女仔)

yeah!

BB, 恭喜發財!

年初一凌晨, 同老婆封左BB第一封利是俾佢, 金牛一隻, 入面有我地俾BB既說話(不外乎係祝佢身體健康, 快高長大)
希望呢一封利是會帶俾BB好運, 不過唔好好似我咁大洗啦~

年三十晚同公司食飯o個陣, 終於都公佈左我就黎做爸爸既消息, 希望日後間唔中遲到早退佢地都會多多包涵!

今年新年schedule:

年初一: 返娘家拜年
年初二: 返娘家食開年飯, 打牌
年初三: 去李斌屋企拜年
年初四: 去外家拜年
年初五: 兔年第一個工作日...嗚啊!!!

好掛住BB!!!

1月的最後一天

BB又大左, 真係好快!
今日係12星期了, 大概咁計即係3個月, 即係基本上可以公開我地就黎有小孩子~

今日數據:
6.27cm
預產由8月13日修正至8月12日, 8月生日既人真係越黎越多!

辛苦晒老婆了...為左做檢查等左成朝都未搞掂, lunch都未食...

久違的大病...

上星期被緊急召喚到廈門出差, 結果病住返黎...
今日已經一個星期喇, 醫生睇左, 藥又食晒, 但係d咳同喉痛就係停唔到, 唉, 估唔到要去睇第二次醫生.

希望太太唔好俾我傳染到, 如果唔係真係萬死莫辭...

大得咁快~

1月18日, 雖然我身在廈門, 但係太太都有去睇醫生, 仲見到baby!
10星期4日大, 3.88cm身長; 只係2個星期零1日, 已經由1.82cm->3.88cm! 成長速度係以"倍數"黎計! 勁啊~
真係不可思議!
醫生話bb郁下郁下中途, o係2隻腳中間見到少少野, 會唔會係子孫根呢???
bb好似好活躍咁, 雙手雙腳係咁郁, 唔怪之後佢媽咪成日唔舒服...等佢出黎之後要教訓下佢至得!
下一次去拜訪江醫生預定係3月, 唔知到時bb幾大呢?

夜晚將呢d相, 同埋消息同媽咪講左, 睇得出佢好開心同感動...
唉, 老人家冇咩望, 望係望子女生生性性, 同埋能夠傳宗接代, 俾孫佢地抱就ok.
黎緊呢幾廿年, 我要以身作則, 孝順自己父母, 外父外母, 希望可以成為bb既榜樣!

久違的威爾斯親王醫院

1月11日, 舊地重臨.

對上一次去, 應該係細佬出世o個陣...25年了.

陪老婆去登記生bb, 順便排埋期.

1月31日[唐氏綜合症]檢查

4月19日定期檢查+醫生面談

中途仲要去一次母嬰健康院檢查左先~睇黎公立醫院對香港市民生bb都ok照顧到.

自從同老細講左我就黎做爸爸, 好似寬鬆左, 就好似今日咁, 我話要陪太太去醫院佢就叫我慢慢黎...

如果唔係我自發性話OT返2個鐘, 佢都冇意思叫我補返今朝既時間.

希望黎緊既日子都有返咁上下既自由度, 咁就可以成日都去陪太太檢查喇.

太太仲係好似細個o個陣咁, 冇乜耐性~

睇黎要bb學下我至得!

嗨, 你好嗎?

2011年1月3日, 第一次同bb照面, 經超聲波.

已經見到bb, 暫時身長1.82cm, 年紀係8星期+2日 (我覺得有少少偏差), 預產期係8月13日.

你好嗎?

心跳好快係好有規律, o係媽咪入面肯定好舒服定喇.

但係你唔好成日搞到媽咪唔舒服至得o架~

原來就黎做老豆既心情真係好開心o架...

BB, 多多指教喇!