2010年12月8日 星期三

新成員...?

2009年3月6日結婚, 到今日12月9日, 都成1又3/4年咁滯, 係時候帶個新成員返屋企喇.
本身預計係去北海道先做人...結果唔知係咪一次就中左既關係, 比想像中早左dd咁多.

12月6日朝早, 太太用驗孕棒check到有左bb了, 好開心~~
但係為左搵醫生確認, 所以當日下晝就由鄺綺雯去睇醫生兼照超聲波.
唔知係咪因為太早既關係, 暫時未有發現, 詩詩好似有d失落咁, 但係因為我地想再再再三確認既關係, 就再買多2支唔同牌子既棒棒黎試...
當日下晝我已經向媽咪透露左少少, 當然佢好開心啦~可惜因為超聲波冇野睇, 醫生唔可以100% 證實有左bb, 結果得媽咪講...我地都冇乜反應...
12月7日朝早, 兩支驗孕棒都出左陽性結果, 哈哈, 呢次應該冇得走喇~
而家要諗既就係去邊度驗血確認好, 因為好多朋友都話驗血睇濃度係100準, anyway我個人既睇法係已經100%中左喇~無需懷疑!
12月8日夜晚返外母家食飯, 公佈左呢個令人高興既消息, 大家都鐘意男仔, 許佩汶就鐘意女仔因為可以幫佢扮靚, 而外父雖然話無所謂同埋表現平靜, 但係我個人估計佢都係想要孫仔同埋好開心! 事實係我見到佢陰陰咀笑~哈哈
12月9日夜晚約左少爺仔同karen食飯~佢地都就黎做爸爸媽媽喇!

希望可以一路記錄低BB出世前既一點一滴!

沒有留言: